Теле ва радиокўрсатувлар

Радиоэшиттиришлар

“Наврўз” радиосида хар хафта “Кино олами” деб номланган бир соатлик дастур тайёрланмоқда. Бу эшиттириш “Cинема Магазине” журнали билан хамкорликда хар пайшанба эфирга узатилади. Дастур давомида “Cинема Магазине” журналида чоп этилган ва режалаштирилаётган мақолалар қахрамонлари, таниқли актёр ва кинорежиссёрлар билан эксклюзив интервюлар уюштирилади. Масалан, “Кино олами”нинг “Cинема Магазине” журнали билан хамкорликда тайёрланган 1-сонида ёш истеъдодли актёр Фаррух Соипов билан қизиқарли учрашув-сухбат бўлиб ўтди. Фаррух Соиповнинг ижодидан олинган тўртта саволга жавоб берган радотингловчиларга “Cинема Магазине” журналининг қимматбахо совгалари, хинд филмларига таклифнома, журналнинг янги сонлари тақдим этилди. “Кино олами”нинг кейинги сонларида “Cинема Магазине” журналида интервюлари чоп этилган ва чоп этилиши режалаштирилаётган истеъдодли актёрлар Дилноза Кубаева, Улугбек Кодиров, Гулчехра Жамилова, Абдурайим Абдувахобов, Ўзбекистон халқ артисти Мурод Ражабов, Эркин Комилов, Саида Раметова билан эксклюзив интервюлар уюштирилади.

“Cинема Магазине” журнали билан хамкорликда “Ёшлар” радиосида, “Ўзбегим таронаси”, “Тошкент” радиосида лойихалар тайёрланмоқда.

Республика телеканалларида эса CINEMA Market компаниясининг иккита кўрсатуви бериб борилмокда.

Булар «CINEMA.UZ» ва «Cinema Bollywood» кўрсатувларидир

CINEMA.UZ

Бу кўрсатувда жаҳон кинематографияси янгиликлари, премьералар, суратга олинаётган фильмлар ҳақида, жаҳон кино санъатига оид бошқа қизиқарли маълумотлар ҳақида суҳбатлашамиз. Шунингдек, бу кўрсатув миллий кино муаммоларига ҳам мурожаат қилади, машҳур актёрлар, режиссёрлар ва бошқа кино санъати арбобларидан интервьюлар олади. «CINEMA.UZ» кўрсатуви ҳар ойда икки марта «Ўзбекистон» ва «Тошкент» телеканалларида эфирга чиқади.

Cinema Bollywood

«Cinema Bollywood» кўрсатуви Болливуд дунёсига бағишланган биринчи кўрсатувдир. Ҳинд киноси мухлислари учун: мумтоз ҳинд фильмлари, янги фильм ва сериалларнинг премьералари, ҳинд киноси мусиқаси, энг сўнгги янгиликлар, Болливуд қиролларининг ҳаёти, ҳинд кино юлдузлари, тақдимотлар, концертлар, интервьюлар, қизиқарли маълумотлар, рейтинглар – буларнинг барчаси «Cinema Bollywood» кўрсатувида! «Cinema Bollywood» кўрсатуви ҳам бир ойда икки марта (чоршанба ва якшанба кунлари) «Тошкент» телерадиоканалида эфирга узатилади.

Шунингдек “НТТ” телеканалида “Cинема Магазине” журнали билан хамкорликда янги кинокўрсатув тайёрланяпти. Бу кўрсатувдан ўзбек киноси ва хинд киноси хақидаги янгиликлар ўрин олади. Кўрсатувнинг асосий қисмини “Cинема Маркет” компаниясининг янги хинд филмлари хақидаги маълумотлар ташкил қилади. Кўрсатув бир ойда икки марта, кейинчалик эса хар хафта эфирга узатилади.